Lekker ou Frik! Ons is bokvetblink opgewonde om daar by julle te kom note gooi! Hierdie ryk, anderw\u00eareldse vertoning bied van die mees begaafde musici wat ons pragtige land in aanbod het, en met die onkonvensionele, rasperige, aweregse Neil Sandilands aan\u2019t stuur van sake, is jy in vir \u2019n ding!<\/p>\n\n\n\n
Die \u201cNeil Sandilands Gedoente\u201d bring instrumente, blikke, baarde en sakke vol truuks na \u2019n opstal daar naby jou, van 1 Julie tot 25 Julie 2023.<\/p>\n\n\n\n
Sandilands toer hierdie winter noordwaarts, vanaf die Overstrand, al die pad tot in Mpumalanga en Limpopo. Die ander skerpskutter-musikante op die wavrag is die bekende baskitaarspeler Schalk Joubert, die kitaarspeler (van OppieStoep<\/em>-faam), Frank Freeman en hun Ingilsman (darem met Ierse bloed), Ronan Skillen, op perkussie. Hy slaan enige ding, van \u2019n crankshaft <\/em>tot \u2019n Indiese tabla en als tussenin.<\/p>\n\n\n\n Neil Sandilands is deesdae orals. Ons onthou hom natuurlik meestal as \u201cBart\u201d van 7de Laan<\/em>, maar die man het selfs Hollywood op sy manier gaan aandurf, en \u2019n uitklophou gepot. Sweet Tooth<\/em> seisoen 2 tans op Netflix, waar hy die rol van die booswig \u201cGeneral Douglas Abbott\u201d vertolk, is nog vars in die geheue en daarbenewens het hy sommer sy tweede vollengte album \u201cAllegaarkie vir \u2019n Askeet\u201d uitgereik. Snitte soos \u201cHuistoe\u201d, \u201cStilte wat Raas\u201d en \u201cK\u00f4mm\u00f4s\u00eadies\u00ea\u201d speel oor die luggolwe en moenie van die wonderlike liedjie \u201cWoestynroos\u201d vergeet, wat hy vir die uitmuntende M-Net-reeks, Desert Rose<\/em>, geskryf het nie. Dis als deel van hierdie uitvoering.<\/p>\n\n\n\n Sy vorige toer, \u201cWoorde en Akkoorde na die Noorde\u201d, het gehore gaande gehad en Afrikaanssprekendes wyd-en-suid het gevra vir nog. Hier is die geleentheid nou!<\/p>\n\n\n\n Di\u00e9 boksemdaais bestaan uit werke vanaf al Sandilands se albums: Die SAMA-benoemde \u201cSangoma Sandilands & Jou Pa se Posse\u201d, \u201cDie Groot 5\u201d, \u201cDie Groot Niks\u201d asook die nuwe album \u201cAllegaarkie vir \u2019n Askeet\u201d. Hy deel tussenin stories en kwinkslae uit sy lewensverhaal, wat begin het langs die mynhope van Randfontein, gaan draai het in ver plekke soos die eiland Kauai, Nieu-Seeland, New York, Vancouver, Sunset Boulevard, die Namibwoestyn, Namakwaland en ja, sommer nou daar by jou ook. Hierdie toer word deel van sy storie.<\/p>\n\n\n\n Vra maar vir enigiemand wat al een van di\u00e9 besonderse vertonings beleef het; dis soos daai tweede koppie sawwelyf. Dit maak inderdaad die lewe \u2019n bietjie meer draaglik. \u2019n Mens beleef die hele spektrum van emosies by een so \u2019n vertoning en voel ietwat ryker vir die belewenis. Dis presies wat die dokter aanbeveel vir juis hierdie winter van beurtkrag, kranksinnigheid en allerhande aapstreke. Sien jou daar, by Neil Sandilands se Wintertoer! Kaap tot Mpumalanga. Vatvas!<\/p>\n\n\n\n TOERSKEDULE:<\/strong><\/p>\n\n\n\n