{"id":570,"date":"2023-09-15T08:46:23","date_gmt":"2023-09-15T08:46:23","guid":{"rendered":"https:\/\/www.starburstpromotions.com\/?p=570"},"modified":"2023-09-15T08:46:23","modified_gmt":"2023-09-15T08:46:23","slug":"joshua-na-die-reen-vier-n-dekade-in-die-musiekbedryf-met-n-nuwe-album","status":"publish","type":"post","link":"https:\/\/www.starburstpromotions.co.za\/es\/2023\/09\/15\/joshua-na-die-reen-vier-n-dekade-in-die-musiekbedryf-met-n-nuwe-album\/","title":{"rendered":"JOSHUA NA DIE RE\u00cbN VIER \u2019N DEKADE IN DIE MUSIEKBEDRYF MET \u2019N NUWE ALBUM"},"content":{"rendered":"\n

<\/a> Tien jaar n\u00e1 Lig op die Horison<\/em><\/a> , een van die multi-bekroonde sanger en liedjieskrywer, Joshua na die Re\u00ebn<\/strong> se eerste groot treffers, is hy steeds besig om harte te verower met sy betekenisvolle musiek, unieke styl, diep lirieke en besonderse klank.<\/p>\n\n\n\n

Hy is tans besig om voorbrand te maak vir die bekendstelling van sy vierde album, DIE VALLEI<\/strong><\/em>, deur die musiek vanaf die album uit te voer tydens \u2018n reeks uitverkoopte vertonings. Dit voer luisteraars weg en neem hulle saam op \u2019n emosionele avontuur van selfondersoek en vernuwing.<\/p>\n\n\n\n

In tipiese Joshua na die Re\u00ebn-styl, is daar \u2019n baie spesiale formaat en boodskap agter sy nuutste projek, wat hy as volg beskryf:<\/p>\n\n\n\n

\u201cKom voel hierdie oomblik saam met my\u2026 ons staan en kyk uit oor die Vallei, dis die begin van ons staproete. Dit het baie gevat om hier te kom, niemand weet beter as jyself nie. Die afgelope tyd was daar iets binne jou wat jou saggies maar dringend geroep het om uiteindelik hier te staan, weg van die samelewing, weg van dit wat jou kop besig hou elke dag. <\/em><\/p>\n\n\n\n

Jy weet hoe min jy jouself toelaat om dit te ervaar, en nou is jy hier. Ek kyk in jou rigting, dis tyd om te begin. Ons stap saam af teen die hang van die berg. Ek ervaar hoe jou gemoed ligter raak, daar is niks soos die skoon lug en onbelemmerde gevoel in die atmosfeer van hierdie oomblik nie, die wind deur jou hare, die vo\u00ebltjies en insekte, die stroom onder in die Vallei. <\/em><\/p>\n\n\n\n

Daar is soveel hier om te vind. Raak mens net eendag wakker en weet, dit wat jy jou al jare lank aan meet is jy ewe skielik bereid om op te gee, en te vloei in riviere? Die vryheid van hierdie gedagte groei soos vlerke uit jou rug en op een of ander manier voel dit of jy saam met die arende deur die lugstrome in die Vallei sweef. <\/em><\/p>\n\n\n\n

Jy wil vir altyd net hier wees, jy wil leef, jy wil jaarringe in oorvloed agter los. Jy wil in die oggend met die son wakker word, kruisbeen onder die seders op die oewer sit en net asem haal en die lewe inneem. Vir te lank was die normaal om nie te voel nie, om nie deel te voel van dit wat die Groot Gees van die Hemel en aarde vir ons gegee het nie. Jy raak stil, want jy weet nou dat dit maar nog altyd hier is vir jou, \u2019n gedagte weg.<\/em>\u201d<\/p>\n\n\n\n

Sy nuwe liedjies en vrystellings begin reeds aanklank vind by \u2019n wye gehoor omdat dit \u2019n uiteenlopende kombinasie van lekkerluister popklanke, rustiger meditatiewe snitte en selfs elemente van R&B en alternatiewe musiek bevat. Dit sluit ook samewerkings met verskeie ander kunstenaars, waaronder Karlien van Jaarsveld en die Tuks Camarata-koor, in.<\/p>\n\n\n\n

DIE VALLEI<\/strong><\/em> bestaan uit 18 oorspronklike snitte uit sy eie pen, wat sorgvuldig deur Gideon Botes verwerk is tot \u2019n volmaakte eindproduk.<\/p>\n\n\n\n

<\/a> Hierdie album se aanslag is heelwat meer volwasse omdat hy baie meer lewenservaring het as tien jaar gelede, dis ietwat meer kommersieel en gaan verseker \u2019n groter gehoor bereik.<\/p>\n\n\n\n

\u201cEk het besef hoe meer jou musiek oor die radio speel, hoe meer luisteraars bereik jy. Dis tog hoekom jy kuns pleeg, sodat dit mense se lewens kan verander,\u201d<\/em> verduidelik hy. \u201cOp sy mooi manier het Gideon gevat wat ek gebring het en dit omskep in iets waarop ek baie trots is. Ek sal graag in die toekoms weer saam met hom wil werk.\u201d<\/em><\/p>\n\n\n\n

<\/a> Omdat elke liewe liedjie uit \u2019n baie persoonlike plek kom, is dit vir hom onmoontlik om \u2019n gunsteling te kies. Hy verklap wel dat Stroom en Rivier<\/em> en Die Groot Gees van Hemel en Aarde<\/em> hom na aan die hart l\u00ea omdat dit in sy eie tuis-ateljee opgeneem is en klanke van sy kinders en vo\u00ebltjies in die tuin vaagweg in die agtergrond gehoor kan word.<\/p>\n\n\n\n

Hy wou met die album en laasgenoemde lied die boodskap oordra dat sy inspirasie vir alles wat hy aanpak in die lewe van God af kom.<\/p>\n\n\n\n

\u201cEk leef met die oorheersende gevoel dat al is God en sy skepping ho\u00e9 groot, hy het my en jou ook gemaak.\u201d<\/em><\/p>\n\n\n\n

BY MY<\/strong><\/em>, die eerste enkelsnitvrystelling en musiekvideo vanaf sy nuwe album, is ge\u00efnspireer deur \u2019n e-pos-versoek wat hy van \u2019n luisteraar af ontvang het om \u2019n liedjie te skryf vir die persoon se huweliksherdenking, nadat iets gebeur het om die vertroue binne daardie huwelik permanent te skend.<\/p>\n\n\n\n

<\/a> \u201cDie lirieke van die liedjie s\u00ea: \u2018Bly. Bly as die w\u00eareld gaan, en jy sal my kry as jy my nog kan sien vir my.\u2019 Ons is so geneig om verby die essens te kyk van wie iemand regtig is. Almal het goed waarmee hulle sukkel, maar ons bly wie ons is ten spyte daarvan. Dis daarom belangrik dat ons mense sien vir wie hulle is en nie vir wat hulle doen nie,\u201d<\/em> verklap de Villiers oor die betekenis agter di\u00e9 besonderse lied. \u201cDit was n voorreg om dit saam met Hannah Foster, Raziela Grey en Renee Kruger te kon opneem, met Gideon Botes as vervaardiger. Musiekvideo deur BrandMill\u201d, <\/em>s\u00ea hy.<\/p>\n\n\n\n

<\/a> Di\u00e9 snit wat op 15 September uitgereik word volg in die voetspore van vorige suksesvolle vrystellings soos Lig op die Horison, Soos Nou, Die W\u00eareld Binne My, Vir Altyd, Sterrenet<\/em> en vele meer, wat almal vir maande lank bo-aan die trefferparades in Suid-Afrika gepryk het.<\/p>\n\n\n\n

Kyk die video hier: <\/strong>https:\/\/youtu.be\/My0h4tO5j3I<\/a><\/p>\n\n\n\n

Natuurlik kan \u2019n dekade in die musiekbedryf en \u2019n nuwe album nie verbygaan sonder om behoorlik gevier te word nie. Daarom het die kunstenaar besluit om albumvrystellings op verskillende plekke in die land te hou.<\/p>\n\n\n\n