{"id":862,"date":"2024-07-01T06:03:31","date_gmt":"2024-07-01T06:03:31","guid":{"rendered":"https:\/\/www.starburstpromotions.com\/?p=862"},"modified":"2024-07-01T06:03:32","modified_gmt":"2024-07-01T06:03:32","slug":"tiener-vs-ouer-wenke-vanuit-n-tiener-se-oogpunt-hoe-om-jou-tiener-beter-te-verstaan","status":"publish","type":"post","link":"https:\/\/www.starburstpromotions.co.za\/de\/2024\/07\/01\/tiener-vs-ouer-wenke-vanuit-n-tiener-se-oogpunt-hoe-om-jou-tiener-beter-te-verstaan\/","title":{"rendered":"TIENER VS. OUER: WENKE VANUIT \u2018N TIENER SE OOGPUNT \u2013 HOE OM JOU TIENER BETER TE VERSTAAN"},"content":{"rendered":"\n

Tienerwees is \u2019n uitdagende tyd \u2013 vir kinders \u00e9n ouers. Sosiale media inhoudskepper en tienerrolmodel, <\/em>Hildegard Havenga<\/strong><\/em>,<\/em>deel \u2019n paar wenke met ouers om hulle te help om die tiener in hul huis beter te verstaan.<\/em><\/p>\n\n\n\n

Dit is geen geheim dat ouers en hul tieners dikwels koppe stamp nie. Die probleem is egter nie dat hulle nie oor die weg kom nie, maar eerder dat hulle nie probleme wat dikwels in di\u00e9 stormagtige tyd opduik, probeer oplos nie. Ja, dit is soms makliker om te maak asof niks gebeur het nie, maar dis juis waar dinge skeefloop…<\/p>\n\n\n\n

Tieners wil situasies beheer, self hul struikelblokke oorkom, en uit hulle eie foute leer. Ouers, aan die ander kant, wil hul tieners die seer en swaarkry van die lewe spaar, en tree dan oorbeskermend op.<\/p>\n\n\n\n

Wanneer albei partye voel dat daar nie na hulle geluister word nie, is dit is \u2019n resep vir \u2019n ramp!<\/p>\n\n\n\n

Boonop kry tieners se selfbeeld \u2019n knou wanneer hulle voel dat hul ouers nie in hulle vermo\u00ebns om sekere situasies te hanteer, glo nie.<\/p>\n\n\n\n

So, wat kan ouers doen om hul tieners beter te verstaan en ondersteun?<\/p>\n\n\n\n

Die beginpunt is vertroue…<\/strong><\/p>\n\n\n\n

\u201cSonder \u2019n sterk vertrouensverhouding gaan almal swaarkry. Om so \u2019n verhouding te bou moet ouers betrokke wees en in hul tiener se lewe belangstel. Jou kind moet weet \u2018you\u2019ve got their back\u2019. Tieners wil voel dat hulle gemaklik kan praat oor dom goed wat hulle al aangevang het sonder dat hul ouers paniekerig raak oor elke klein foutjie, en dat hul ouers hulle ondersteun en vertrou.\u201d<\/em><\/p>\n\n\n\n

Respekteer jou tiener se privaatheid…<\/strong><\/p>\n\n\n\n

\u201cTieners waardeer hul privaatheid, veral wanneer dit kom by persoonlike sake, gesprekke met vriende, en hul eie gedagtes en gevoelens. As jou kind af lyk en nie wil gesels nie, beteken dit nie dat hulle jou nie meer in hul lewe wil h\u00ea nie. Soms het hulle net tyd nodig om oor situasies te dink \u2013 as die tyd reg is, sal hulle daaroor praat. So, stel opreg belang in jou kind se alledaagse lewe met informele geselsies,<\/em> maar gee ook vir jou tiener ruimte en tyd en moet hulle nie dwing om alles met jou te deel nie. Daar is ervarings wat elke jongmens eenvoudig self moet verwerk. Wys dat jy jou tiener se privaatheid respekteer deur dit duidelik te stel dat jy beskikbaar is om te luister, en dit dan aan jou kind oor te laat.\u201d<\/em><\/p>\n\n\n\n

Moenie wegskram van ongemaklike gesprekke nie…<\/strong><\/p>\n\n\n\n

\u201cAl lyk dit soms of tieners nie na raad wil luister nie, is daar sekere dinge waar elkeen van hulle leiding nodig het. Moedig dus \u2019n omgewing aan waarin jou kind gemaklik voel om oor enigiets te gesels, of dit nou vreugde of frustrasies is. En moenie ineenkrimp as jou kind iets s\u00ea wat jou skok nie.<\/em> Wanneer dit kom by ongemaklike gesprekke, verwag tieners dat hul ouers eerlik en direk sal wees \u2013 \u2018call a spade a spade\u2019. Kies die regte tyd en plek om te gesels \u2013 nie voor maats nie! \u2013 en luister aandagtig na wat ges\u00ea word. Deel inligting en feite eerder as opinies sodat jou tiener \u2019n ingeligte besluit kan neem, en toon begrip sonder om te oordeel of kritiseer. Fokus op die probleem, nie op jou gevoelens daaroor nie, anders gaan jou tiener toeslaan en in die toekoms nie met jou oor kwessies wil praat nie.\u201d<\/em><\/p>\n\n\n\n

Bied onvoorwaardelike ondersteuning…<\/strong><\/p>\n\n\n\n

\u201cTieners gaan deur \u2019n groot groei- en ontwikkelingsfase. Dit sluit in fisiese, emosionele, en intellektuele groei. Wees geduldig en ondersteunend tydens hierdie tyd en moedig ons aan om ons eie unieke pad te volg na selfontdekking. Die realiteit is dat tieners dikwels beter funksioneer wanneer hulle alleen deur \u2019n moeilik tyd gaan. Dit is deel van grootword, en leer hulle hoe om onafhanklik te wees. Deur ruimte vir onafhanklikheid te gee en vertroue in hul tiener se vermo\u00ebns te toon, kan ouers \u2019n gesonder balans tussen besorgdheid en vryheid handhaaf.\u201d<\/em><\/p>\n\n\n\n

Maak vrede met hul vriende…<\/strong><\/p>\n\n\n\n

\u201cTieners ken hul vriende, maar ouers het ook dikwels \u2019n intu\u00efsie wat nie ge\u00efgnoreer kan word nie. Gaan drink koffie saam met jou tiener en hul vriende om hulle beter te leer ken. Toon belangstelling en vra vrae \u2013 miskien verander jou opinie. Indien nie, gesels met jou kind daaroor. Wees bereid om jou opinie te verduidelik, maar luister ook na hulle perspektief. Baseer die gesprek op begrip en respek, en aanvaar dat jy soms vrede moet maak met jou kind se keuses, al stem jy nie daarmee saam nie. As dit die verkeerde keuse is, sal hy\/ sy dit wel op \u2019n stadium besef.\u201d<\/em><\/p>\n\n\n\n

Wees bewus van skoolsake…<\/strong><\/p>\n\n\n\n

\u201cEksamen<\/em>s<\/em> en toetsreekse <\/em>is<\/em> \u2019n stresvolle tyd vir <\/em>tieners<\/em>. Ouers kan help deur <\/em>\u2019<\/em>n kalm en ondersteunende omgewing te skep waarin hulle ten volle kan fokus sonder om oorlaai te voel. <\/em>Kyk wel uit vir rooi vlae en help om oplossing te soek as jou kind se punte skielik skerp daal. Moet egter nie blindelings jou tiener, hul vriende, hul foon of sosiale media blameer nie! Oorweeg alle moontlike redes. Indien nodig, soek <\/em>akademiese ondersteuning <\/em>in die vorm van <\/em>tutors of studiegroepe<\/em>. Onthou, skool is ongelooflik stresvol vir die meeste kinders. Probeer dus fokus op jou kind se <\/em>pogings eerder as net op die <\/em>uitslae<\/em> \u2013 erken klein suksesse en gee positiewe terugvoer<\/em>. Onthou, akademiese prestasie is nie alles nie.\u201d<\/em><\/p>\n\n\n\n

Help hulle om hulself te help…<\/strong><\/p>\n\n\n\n

\u201cLeer jou kind hoe om selfsorg toe te pas en te let op ons emosionele en fisiese welstand. Moedig jou tiener aan om gesonde gewoontes te h\u00ea soos genoeg slaap, gesond eet, en om emosies op \u2019n gesonde manier emosies te hanteer.\u201d<\/em><\/p>\n\n\n\n

Wanneer dinge skeefloop…<\/strong><\/p>\n\n\n\n

\u201c\u2019n Groot deel van grootword is dat tieners grense gaan toets en re\u00ebls gaan bevraagteken. Langs die pad gaan re\u00ebls \u2013 en vertroue \u2013 dus verbreek word. Wanneer dit gebeur, praat daaroor \u2013 kommunikasie is die sleutel tot begrip. Bied jou kind die geleentheid om hul s\u00ea te kan s\u00ea oor die situasie, hoe hulle daaroor voel en wat hul geleer het. Terwyl julle as gesin die pad stap om vertroue te herbou, probeer om jou kind se klein suksesse en positiewe gedrag te erken en te beloon.\u201d<\/em><\/p>\n\n\n\n

Kyk uit vir jou kind…<\/strong><\/p>\n\n\n\n

\u201cDaar is baie struikelblokke om te oorkom as jy jonk is, en alhoewel tieners dit nie altyd sal erken nie, is daar duidelike tekens dat jou kind sukkel. Dit is baie belangrik vir ouers om sensitief te wees vir hierdie tekens en om \u2019n ondersteunende omgewing te skep waarin jongmense gemaklik voel om hulle emosies en uitdagings te bespreek.\u201d<\/em><\/p>\n\n\n\n

Hildegard meen dat ouers moet let op die volgende:<\/p>\n\n\n\n